ചരിത്രനേട്ടവുമായി ഐ.എസ്.ആർ.ഒ .
"നേട്ടത്തിൽ രാഷ്ട്രമൊന്നാകെ അഭിമാനിക്കുന്നു. ഭാവി ദൗത്യങ്ങളിലും ഐ .എസ് .ആർ .ഒ. വിജയം കൊണ്ടുവരട്ടെ "
രാഷ്ട്രപതി പ്രണബ് മുഖർജി
"അതിർത്തികൾ ഭേദിച്ച് ഐ .എസ് .ആർ .ഒ. മുന്നോട്ട് . നമ്മുടെ ശാസ്ത്രജ്ഞർക്ക് ഹൃദയത്തിൽനിന്നുള്ള അഭിനന്ദനം ."
പ്രധാനമന്ത്രി നരേന്ദ്ര മോദി
20 ഉപഗ്രഹങ്ങൾ ഒറ്റയടിക്ക് ഭ്രമണപഥത്തിൽ എത്തിച്ചുകൊണ്ട് ഇന്ത്യയുടെ അഭിമാനമായ ഐ .എസ് .ആർ .ഒ. വീണ്ടും ചരിത്രം കുറിച്ചു.
ബുധനാഴ്ച രാവിലെ 9.26 നാണ് ശ്രീഹരിക്കോട്ടയിലെ സതീഷ് ധവാൻ ബഹിരാകാശ ഗവേഷണകേന്ദ്രത്തിൽ നിന്ന് ഐ .എസ് .ആർ .ഒ. യുടെ പി.എസ്.എൽ .വി സി 34 വിക്ഷേപണ വാഹനം ബഹിരാകാശത്തേക്ക് കുതിച്ചുയർന്നത്.
16 മിനിറ്റിനു ശേഷം 'കാർട്ടോസാറ്റ് -2 ' എന്ന മുഖ്യ ഉപഗ്രഹം 508 km അകലെയുള്ള ഭ്രമണപഥത്തിൽ വിക്ഷേപിച്ചു. തുടർന്നുള്ള 10 മിനിറ്റുകളിൽ ബാക്കി 19 ഉപഗ്രഹങ്ങളുടെ വിക്ഷേപണവും സുഗമമായി നടന്നതായി ഐ .എസ് .ആർ .ഒ. ചെയർമാൻ എ .എസ് .കിരൺകുമാർ പറഞ്ഞു.
No comments:
Post a Comment